Monday, 28 November 2011

விட்டாச்சு லீவு

சென்னையில் ஆங்காங்கே ஒரு சில இடங்களில், மிதமானது முதல் பலத்த மழை வரை பெய்ய வாய்ப்பு இருப்பதாக திரு.ரமணன் அவர்கள் 'தெளிவாக' சொல்லிவிட்டதால் கடந்த 6 நாட்களாக ஸ்கூலில்  லீவ் அறிவித்து விட்டார்கள். (இந்த 6 நாட்களில் மொத்தம் 5 செ.மீ  மழை பெய்திருக்குமா என்றால் சந்தேகம் தான்!)

குழந்தைகள் இருவரும், எழுந்த அரை மணி நேரத்தில் வீட்டை போர்க்களம் போல் ஆக்கிவிடுகிறார்கள்.
ஒரு பத்தடி கூட எதன்மீதும் இடித்து கொள்ளாமல் அல்லது எதையும் மிதிக்காமல் நடக்க முடியவில்லை. வீடெங்கும் பென்சில், க்ரயான்ஸ், பேப்பர், பொம்மைகள் (இன்னும் பல தரையில் இருக்க தேவையில்லாத சாமான்களும் ) இறைபடுகிறது..

கீழிருந்து எந்த ஒரு பேப்பரை எடுத்தாலும், அதில் ஒரு சின்ன ஓவியம் கண்டிப்பாக இருக்கிறது. குழந்தைகள் உலகத்தில் ஒரு பெரிய சௌகர்யம் - இந்த பொருள், இந்த வண்ணம் தான் என்று எந்த ஒரு கட்டுப்பாடும் இல்லை. பச்சை சூரியன், நீல பூனை -இப்படி. (காக்கைக்கும் கருப்பிலிருந்து விமோசனம் கிடைகிறது !)

ஒவ்வொருநாளும் இரவு தூங்குமுன் "ஏன் தான் லீவ் விடுகிறார்களோ?" என்று சலித்துக்கொண்டே வீட்டை சரி செய்கிறேன். ஆனாலும் காலை எழுந்தவுடன், இன்று குழந்தைக்கு லீவ் என்ற எண்ணம் சந்தோஷத்தையே தருகிறது!

3 comments:

  1. Most enjoyable time in school days are "expect the unexpected" holidays... Especially when it heavily rains before 9.00 am and completely sunny for the rest of the day...
    Krithika.

    ReplyDelete
  2. Akka, daily i think of this theriyuma... Ipolam nenacha kooda athu enaku kedaikadhu. most happy days of life na athu kids life than ka:) :)

    ReplyDelete
  3. the last para summarizes our lives as parents vigna- irony and conflicted all the time... d- FF to teenage - a constant choice- which battle to pick.. Long story short- embrace the uncomplicated times - குப்பைய நகர்த்திட்டு ஜாலி யா இரு அவாளோட

    ReplyDelete