Wednesday, 11 January 2012

இவங்கள நீங்க எப்டி சமாளிக்கறீங்க?

காலை வேலை பரபரப்பில் -
வாசலில் மேடம், மேடம் என்று ஒருவர் (கையில் 40 பக்க நோட்டு)
"நாங்க orphanage / old age  ஹோம் நடத்தறோம். உங்களால முடிஞ்சத செய்யுங்க"
நான் - 'நேத்து தானே ஒருத்தர் வந்தார்'.
இப்போது வந்தவர் முகம் மாறுகிறது. சிலர் ஏமாற்றுவதால், தன்னை போல நல்லவர்கள் பாதிக்கபடுவதாக பே...ச ஆரம்பிக்கிறார்.
           எனக்கோ கடிகாரமும், டிபன் பாக்ஸ்களும் அதிகம் பயமுறுத்துகிறது. அவரை போக செய்யும் அளவுக்கு, பணம் கொடுத்து விட்டு உள்ளே பாய்கிறேன்.

மதியம் நன்கு தூக்கம் வரும் போது -
மேடம் மேடம் என்ற குரல் கேட்கிறது.
வாசலில் washing machine / vacuum cleaner விற்பனை பிரதிநிதி (அட, salesman தாங்க)
"உங்க வீட்ல washing machine / vacuum cleaner இருக்கா  ? "
நான் - இருக்கு, இருக்கு !
"எந்த மாடல் use பண்றீங்க?"
சொன்னேன்..
"எப்போ வாங்கினீங்க? எத்தன முறை சர்வீஸ் வந்தாங்க? ? ?????  "
நானும் தூக்க கலக்கதிலில்  எல்லா கேள்விக்கும் பதில் சொல்ல,
"உங்களோடது பழைய மாடல். நாங்க அத ரெண்டா.....யிரம் ரூபாய்க்கு எடுத்துக்குறோம். எங்களுது வெறும் பதினஞ்சு ஆயிரம் கொடுத்து வாங்கிகோங்க."
நான் - 'ஆனா, அது சரியாதாங்க வேல செய்யுது'.
"இல்லங்க. எப்டியும் இன்னும் 3 மாசத்துல ரிபேர் வரும்."
நான் - (மனதுக்குள்) அடப்பாவி!
நான் - 'இப்போ எங்களால அவ்ளோ செலவு பண்ண முடியாதுங்க'.
"பரவாயில்ல. எங்க கிட்ட EMI Scheme இருக்கு"
நான் - 'ங்கே'  (இனி எங்கிருந்து தூங்கறது?)
           ஒருவாறு அவரை ஞாயிற்று கிழமை வாங்க ன்னு சொல்ல, அவர் landline நம்பர் , செல் நம்பர், அட்ரஸ், இத்யாதி,இத்யாதி என்று என் ஜாதக கட்டை தவிர எல்லாம் வாங்கி செல்கிறார்..

இன்னும், கதவை பூட்டி வெளியில் கிளம்பும் போது வரும் கிரெடிட் கார்டு போன் கால், ராங் நம்பர் செய்து சண்டையிடும் ஆசாமிகள் என தினம் தினம் அனுபவித்ததில்..


                 ஒரு நாள் மலை உச்சியில் நின்று, இனி நானும் எல்லாரையும் மொக்கை போடபோவதாக சபதம் செய்து கொண்டேன்!

சொன்னபடியே blog  ஆரம்பித்து விட்டேன். இப்போ நீங்களும் மாட்டிகிடீங்க, இல்ல??


2 comments:

  1. Dear Vigna - if any salesmen come and ask you about the washing machine you say I have washing machine in my husband and vaccum cleaner in my children the representative will cooly walk away
    comment by V.Subramanian

    ReplyDelete
  2. ஒரு நாள் மலை உச்சியில் நின்று, இனி நானும் எல்லாரையும் மொக்கை போடபோவதாக சபதம் செய்து கொண்டேன்!

    சொன்னபடியே blog ஆரம்பித்து விட்டேன். இப்போ நீங்களும் மாட்டிகிடீங்க, இல்ல??

    - no no.. ur writing style is very interesting. pls keep doing.

    ReplyDelete