Saturday, 21 April 2012

எதுக்கு இத்தனை கொலைவெறி?

என்னோட ரெண்டரை வயது குட்டி பையனோட பேரு ஷ்யாம். அழகான பால் வடியும் முகத்தோட அவன் பண்ற குறும்பு இருக்கு பாருங்க? அத ஒரு பதிவுல போட முயற்சி பண்ணிருக்கேன்.(நான் எவ்ளோ எழுதினாலும் அவன் செய்யறதுல அது நாலுல ஒரு பாகமா தான் இருக்கும்)

பொதுவா அவன் பண்ற விஷமங்கள நாலா வகைபடுத்தி வச்சிருக்கேன்.
1) Life threatening - கரெண்ட் சம்பந்தப்பட்ட குறும்புகள், மொட்டை மாடிலேருந்து எட்டி பாக்கறது, கார்க்கு வெளியே கைய திடிர்ன்னு நீட்றது, வீட்டுக்கு வந்த யாராவது கேட்ட திறந்துவச்சிட்டு போயிட்டாங்கன்னா ரோட்டுக்கு ஓடிடறது..  - இதெல்லாம், இந்த category க்கு கீழ வரும். நாம செய்யற வேலைய( அது எதுவாயிருந்தாலும்) போட்டது போட்டபடி ஓடிபோய் தடுத்து நிறுத்த வேண்டிய விஷமங்கள்.

2) Replaceable damage - என் பொண்ணு நாளைக்கு பறிச்சுக்கலாம்ன்னு வச்சிருக்க ரோஜா பூவ ஸ்ரத்தையா இன்னிக்கே இதழ் இதழா பிச்சு போடுவான். அவங்க அப்பா லேப்டாப் திறந்திருந்ததுனா அவர் விட்டுட்டு போன code அ அவன் எழுதி முடிச்சிடுவான். ஏதாவது ஒரு பைப்பை திறந்துவிட்டுட்டு போய்டேருப்பான். (பவர் கட் சமயத்துல தண்ணி இல்லைங்கறது எவ்ளோ கஷ்டம்ங்கறது குடும்பத்தலைவிக்கு தான் தெரியும்..) இத போல விஷமங்கள் கொஞ்சம் சரிபண்ண கூடியதுங்கரதால விழுந்து அடிச்சு போக தேவையில்ல..

3)Irreplaceable damage - லைப்ரரி புக்க ஒரு கை பாக்கறது, நாம கையெழுத்து போடவேண்டிய பொண்ணோட ரேங்க் கார்ட்ல நமக்கு முன்ன போடறது - இதெல்லாம். (எதோ கொஞ்சம், அவங்க அப்பா கையெழுத்து அப்படி இப்படி இருக்கறதால மிஸ்ஸுக்கு வித்யாசம் தெரியல..) நாம அட்டென்ட் பண்ற வேகமும் - damage ம் inversely proportional ஆ இருக்கும்! 

4)Minimal. - இது கொஞ்சம் போனா போகுது ரகம்.  சுவத்துல கிறுக்கறது, கண்ட எடத்துல தண்ணிய ஊத்தி வைக்கறது - இதெல்லாம் இதுல சேர்த்துக்கலாம்.
அதிலும் அரிசிய குட்டி கையால அள்ளி வரிசையா எல்லா பாத்திரத்து மேலையும் அட்சதை தூவி கல்யாணம் பண்ணிவச்சிடுவான்!!

அவன் பெரியவனானதும் அவன நம்பி நீங்க பொண்ணு கொடுக்கலாம். மனைவி துணியும் சேர்த்தே துவைச்சு கொடுத்திடுவான். எப்பவும் எதையாவது போட்டு தண்ணிக்குள்ள முக்கி-முக்கி எடுத்துகிட்டே இருக்கான். என்ன ஒண்ணு?- இப்போதைக்கு செல்போன், வாட்ச், டிவி ரிமோட், ரூபா நோட்டுன்னு ஒண்ணையும் விட்டு வைக்கறதில்ல..

ஒரு முறை ஊருக்கு போக bag எல்லாம் ரெடி பண்ணியாச்சு..இவன் அது மேல உட்கார்ந்து விளையாடிட்டு இருந்தான். எனக்கும் கிளம்பற அவசரம்..கடைசியில பார்த்தா அத்தன துணியிலும் உச்சா போய் வச்சிருக்கான்.இத அப்படியே எடுத்து போய் போட்டுகிட்டா என்னைத்தான தப்பா நினைப்பாங்க?? ஒரு வாரமா பிளான் போட்டு எடுத்து வச்ச துணியெல்லாம் விட்டுட்டு, எதெல்லாம் 'வேண்டாம் லிஸ்ட்' ல இருந்ததோ அத மட்டும் அவசர அவரசமா பாக் பண்ண வேண்டியதாச்சு!! ஊர்ல போய் பார்த்தா சுடிதார்க்கு டாப் இருந்தா பாட்டம் காணும். ரெண்டும் இருந்தா துப்பட்டா இல்ல..ச்சே.நொந்துட்டேன். 

வீட்ல எல்லா எலெக்ட்ரானிக் சாமான்களும் குத்துயிரும்-குலை உயிருமா இருக்கு. இப்போ வரைக்கும் என் லேப்டாப் ல  கமா (,) வேலை செய்யாது. நான் மொத்தமா டைப் பண்ணிட்டு கமா போடவேண்டிய இடத்துக்கு காபி-பேஸ்ட் பண்ணிக்கிட்டு இருக்கேன்..இன்னும் செல்போன் க்கு எல்லாம் இது எத்தனாவது புனர்ஜென்மம்ன்னு கணக்கே இல்ல..

அப்புறம் பிரிட்ஜ் கிட்ட வந்தான்னா கவிஞர்கள் பாடற மாதிரி அந்த எடம் முழுக்க பாலாறா ஓடும். சமயத்துல பாலும் தயிரும் கலந்து கூட ஓடும். ஒரு தடவ horlics மொத்தத்தையும் பால்ல கலக்கினதுல, எங்க வீட்டு வழியா போனவங்களுக்கு கூட அன்னிக்கி horlics மரியாத!

வீட்ல எவ்ளோ newspaper கிடந்தாலும் பெட்ரோமாஸ் லைட்டே தான் வேணும்னு அவன் அக்கா புஸ்தகத்த எடுத்து கிழிப்பான். அப்புறம், அவ அழ ஆரம்பிச்சா அவளே நிறுத்தணும்னு நினைச்சாலும் முடியாது..

இத எல்லாத்தையும் கூட பொறுத்துக்கலாம், ஆனா வீட்ல அவனுக்கு சப்போர்ட் அதிகம்கரதால அவன் பண்ற குறும்பு எல்லாத்துக்கும் நான் தான் பதில் சொல்லியாகணும். இன்னும் சாப்பாடு ஊட்டணும்னா வீட்ட சுத்தி 108 தடவ ஓடியாகணும். (சத்தியமா சொல்றேன், என் BMI ஒரே அளவா இருக்கறத்துக்கு ஷ்யாம் மட்டுமே காரணம்)

இத்தனை பண்ற வீரனுக்கு விழுப்புண் இல்லாம இருக்குமா? இந்த ரெண்டு வருஷத்துல எங்க pediatrician, Maruthi omni லருந்து SX4 க்கு மாறிட்டார்..

ஆமாம்....இந்த இணையத்துல குழந்தைகள அஞ்சு வயசுக்கு மேல தான் ஸ்கூலுக்கு அனுப்பணும்ன்னு எழுதறது யாருங்க? - கொஞ்சம் வீட்டுக்கு வாங்க!
உங்கள தான் கொலவெறியோட தேடிகிட்டு இருக்கேன்.


9 comments:

  1. Now i understand why you have not put on weight after marriage :). You have a gym trainer at home :)

    ReplyDelete
  2. No one told me the training would be 24*7 - 365 days a year. :(

    ReplyDelete
  3. வி.மகாலிங்கம்
    இப்போதான் புரியுது உங்க அம்மா இன்னும் ஏன்(!!!) slim ஆக இருக்கான்னு

    ReplyDelete
    Replies
    1. அதுக்கு காரணம் என் தம்பியா தான் இருக்கணும்..(பெண் குழந்தைகள் ரொம்ப சாது)

      Delete
  4. இனிக்கி பண்ற விஷமம் எல்லாம் நாளைய மலரும் நினைவுகள்

    Krithika.

    ReplyDelete
    Replies
    1. எனக்கு இப்பவே நினைவு தப்பிடும் போலருக்கே?? ஸ்ஸ்ஸ்ஸ்..முடியல..கடவுள், வால கொஞ்சம் குறைசிருக்கலாம்..

      Delete
  5. Feeling is mutual. I have literally cried when my son was 2 1/2 years old as I couldn't take it anymore and he was looking at me with his innocent face. Now he is 13 years old and everybody says he is very quiet. :-)-Nanditha

    ReplyDelete
    Replies
    1. Hoping for the same..Thanks for visiting Nanditha. :)

      Delete
  6. ஷ்யாம் , சுருதி இரண்டுமே நீங்க வச்சதா இல்ல உங்களவர் வச்சதா?

    ReplyDelete